ԴՆԹ-դիետաները անարդյունավետ են ճանաչվել

Նիհարելու հույսով գեղեցիկ սեռի ներկայացուցիչները դիմում են տարբեր դիետաների: Վերջին ժամանակներս առավել տարածված են ԴՆԹ-դիետաները: Դրանց գործունեությունը հիմնված է անհատական մոտեցման վրա: Այդ պատճառով էլ նիհարել ցանկացողների շրջանում այն ամենաարդյունավետներից է համարվում: Իսկ իրականում գեները կարող են բացահայտել որոշ հիվանդությունների զարգացման հավանականությունը, սակայն նրանք չեն կարող որոշել քաշի կորստի ամենալավ տարբերակը, քանի որ գիտնականները տվյալ պահին լավ գիտեն, թե ինչպես մշակել լավագույն դիետան՝ հիմնվելով մարդկային գեների վրա: 

ԴՆԹ-ախտորոշման ժամանակ հարկավոր է թքել հատուկ խողովակի մեջ և մի քանի օրից ծանոթանալ գենետիկ պրոֆիլին: Վերլուծության մեջ ներկայացված կլինեն ԴՆԹ-ի, տարբեր հիվանդությունների զարգացման ռիսկերի և կարգավիճակի վերաբերյալ տվյալներ: Այսպիսով՝ կարելի է հայտնաբերել հակումը այնպիսի հիվանդությունների նկատմամբ, ինչպիսիք են շաքարախտը, սիրտ-անոթային հիվանդությունները և ճարպակալումը: Այս անալիզի օգնությամբ հնարավոր է իմանալ օրգանիզմի ռեակցիան այս կամ այն սննդի տեսակի և նյութերի նկատմամբ: Միաժամանակ ուսումնասիրողները միակարծիք են, որ այս մեթոդով չի կարելի հստակ որոշել ամենահարմար դիետան: 

Դիետոլոգները խորհուրդ են տալիս չտարվել դիետաներով, այլ ավելորդ քաշի համար ուղղակի առողջ ապրելակերպ վարել և ֆիզիկական վարժություններ կատարել: 

Հարցեր, պատասխաններ, մեկնաբանություններ